لە تەخوین و هێرشەکانتان بەردەوام بن

هۆشیار عەبدوڵڵا

سورم لەسەر ئەوەی کە نابێ رێگە بدرێ حکومەتی هەرێم ئەو موچەیەی لە بەغدادەوە دێت بە ناوی پاشەکەوتەوە کەمیبکاتەوە.

عادل نوری پەرلەمانتارێکی یەکگرتوو دژی داواکاریەکەی ئێمە هاتۆتە جواب کە داوامانکردبوو عەبادی رێگە نەدا سیستمیی پاشەکەوت بەسەر موچەی پەروەردە و تەندروستی جێبەجێ بکرێت، ئەو کە خۆی پەرلەمانتاری عیراقە دەڵێت، ئەو داوایە لە عەبادی ئەو پەری ملکەچیە بۆ بێگانە و حکومەتی هەرێم ئازادە چۆن مامەڵە بە بودجەی هەرێمەوە دەکات .

بێگومان وەڵامیی عادل نوری نادەمەوە و دەیکەم بە قوربانی چاوەروانی هەموان بۆ ئەو هەڵوێستەی کە بریارە یەکگرتوو هەفتەیەکی تر وەک دوا وادە بۆ کشانەوە لە حکومەت داینابێ، تەنها ئەوەندە دەڵێم، میدیا فەرمیی و سێبەرەکانی پارتی هەرکات بیانەوێ هێڕش بکەنە سەرمان لێدوانەکانیان لە چەند پەرلەمانتارێکی یەکگرتوو وەردەگرن، ئەوە ئاوکردنە ئاشی میدیا بەدناوەکانی پارتیە، یەکگرتوو خۆی میدیایی هەیە و با لە سەنگەری خۆیانەوە چی دەڵێن بیڵین، نەک لە سەنگەری پارتیەوە، با لایەنگرنیی یەکگرتوو بزانن، زۆر جار لەبەر ئەوان بێدەنگیی هەڵدەبژێرین نەک ئەو دەموچاوانە خۆیان .

هەر لەو هەواڵەدا پەرلەمانتارێکی پارتی باس لەوە دەکات، ئەوەی کە هۆشیارعەبدوڵا داوایکردوە موچەی وەزارەتەکانی پەروەردە و تەندروستی حکومەتی عیراق سەرپەرشتی بکات و رێگە نەدرێ حکومەتی هەرێم لێی کەمبکاتەوە، درێژکراوەی 16 ی ئۆتۆکتۆبەرە ، بەو برادەرە دەڵێم ، لە دەرفەتێکا کە خۆم ئەزانم کەیە وەک ئەندامێکی لیژنەی ئەمن و دیفاع رونی دەکەمەوە کە لە 16 ئۆکتۆبەردا پارتیی بە چ پیلانێکی گەورەدژی ناوچە جیناکۆکەکان و هەرێمی کوردستان تێوەگلاوە و چ پیلانیکی هەبوە لە دژی ئەو ناوچانە و پارێزگای سلێمانیش، با تائەو کاتە ئەو پەرلەمانتارەی پارتی چاوەرێ بێت .

گرنگە ڕون بێ ، من تا سەر ئێسقان دژی ئەدائی ئەو کابینەیە و ئەو ئەزمونیی چەتەگەریەم، بەڵام بە هەموو شیوەیەک داکۆکی لە قەوارەی دەستوری هەرێم دەکەم .

ئەوانەی پشتیوانیی ئەم کابینەیەی ئێستای هەرێم دەکەن ، راستەوخۆ دژی قەوارەی دەستوری هەرێمن چونکە گەورەترین مەترسیی لەسەر هەرێمی کوردستان دەسەڵاتدارانیی ئێستای هەرێم خۆیانن پێش هەر کەسێکی تر .

AM:11:07:08/01/2018




ئه‌م بابه‌ته 155 جار خوێنراوه‌ته‌وه‌‌