کوێستان محەمەد: نەوشیروان مستەفا هه‌رگیز وه‌ک منه‌ت و بۆ بانگه‌شه‌و دروشم، ژنانی بەکار نه‌ده‌هێنا

PM:12:02:02/07/2017
کورد میدیا:
پەرلەمانتارێکژی پێشوی گۆڕان لە درێژەی بیرەوەرییەکانیدا لەگەڵ نەوشیروان مستەفا رێکخەری کۆچکردوی بزوتنەوەی گۆڕان ئاماژە بەوەدەکات کاک نەوشیروان هه‌رگیز وه‌ک منه‌ت به‌ ژنان و بۆ بانگه‌شه‌ و دروشم ژنانی بەکار نه‌ده‌هێنا

کوێستان محەمەد، پەرلەمانتاری پێشوی گۆڕان، لە لاپەڕەی تایبەتی خۆی لە فەیسبووک ئاماژەی بەوەداوە، له‌ ساڵی 1991 ه‌وه‌ له‌ نزیکه‌وه به‌ دیداری کاک نه‌وشیروان شاد بووم و  په‌یوه‌ندیه‌کی نزیک و هاوڕێیانه‌م له‌گه‌ڵی هه‌بووە دەیان دانیشتن و گفتوگۆی درێژمان ئەنجامداوە.


دەشڵێت، لەوساتەوەی کە کاک نەوشیروان کۆچی دوایی کردووە، کەمتر قسە لەسەر گرنگیدانی بەڕێزیان دەکرێت لەبارەی ژنانەوە، بۆیە هەموو ئەوانەی کە ئاگادارنین کە ئەو سەرکردەیە  تاچەند گرنگی به‌ ژنان داوه‌، دوا جار بڕیارمدا بیره‌وه‌ریه‌ک بنووسم.

کوێستان محەمەد لە درێژەی بیرەوەرییەکانیدا لەگەڵ نەوشیروان مستەفا دەڵێت، لە کۆتایی ساڵی 2008 ڕۆژێک کاک شه‌ماڵ عه‌بدول وه‌فا که‌ ئه‌وکات به‌رپرسی په‌یوه‌ندیه‌کانی ده‌ره‌وه‌ی یه‌کێتی نیشتیمانی بوو ئیمه‌ش باڵی ڕیفۆرم بووین ،پەیوەندی پێوەکردم و داوای لێکردم کە سه‌ردانی بکه‌م.

وتیشی، دوای ئەوەی سەردانم کرد پێی ڕاگه‌یاندم که‌ کاک نه‌شیروان بۆ هه‌ڵبژارنه‌کانی داهاتوو لیست بۆ پەرله‌مانی کوردستان دروست ده‌کات، ئه‌گه‌ر ڕازی بم من ده‌کاته‌ سه‌رۆکی لیسته‌که‌، بۆیە داوای وه‌ڵامی منی کردبوو.

 ئەو پەرلەمانتارە ئاماژەی بەوەشدا، به‌ کاک شه‌ماڵم وت کە گه‌وره‌ترین شانازیه‌ بۆم، به‌ڵام ئه‌وه‌نده‌ ناسراو نیم و له‌ ئاست گه‌وره‌یی لیستێکی وادا نیم، بۆیه‌ به‌ بڕوای من یان خۆی یان ناوی چه‌ند که‌سێک ترم برد، باشتره‌ سه‌رۆکی لیسته‌که‌ بن، لە وەڵامدا 
کاک شه‌ماڵ پێیوتم کە بچین له‌گه‌ڵ خۆیدا گفتوگۆ بکه‌ین، بۆیە هه‌ر ئه‌و کاته‌ چوین و له‌ ماڵه‌وه‌ بینیمان و ڕای خۆمم پێوت، به‌ڵام به‌ڕیزیان سوور بوون له‌سه‌ر دانانم به‌سه‌رۆکی لیسته‌که‌ و لێی دووباره‌ کردمه‌وه‌ ئه‌یکه‌یت یان نا منیش ووتم به‌ شآنازیه‌وه‌ به‌ڵێ.

راشیگەیاند، 
دوای چه‌ند مانگێک ڕۆژنامه‌ی هاووڵاتی بڵاوی کردبووەوه‌ که‌ کاک نه‌وشیروان لیستی بۆ هه‌ڵبژاردنی ئه‌مجاره‌ی پارله‌مان دەبێت و سه‌رۆکی لیسته‌که‌ش خۆی ده‌بێت و دووه‌م و سێیه‌م ناویش جه‌وهه‌ر نامیق و کوێستان محەمەد ده‌بن، به‌ڕیزیان پەیوەندیان پێوەکردم و وتی وه‌ره‌ بۆ ماڵه‌وه‌ کارێکم پێته‌.

کوێستان محەمەد وتیشی، که‌ چووم کاک عومه‌ری سه‌ید عه‌لیشی لا بوو، پێی ووتم پێم باشه‌ کە به‌یانی له‌په‌رمان ده‌ست له‌ کاری فراکسێۆنی سه‌وز بکێشێنیته‌وه‌ و له‌ ئێستاشه‌وه‌ کۆمه‌ڵێک ژنی به‌ توانا ده‌ست نیشان بکه‌و پێیان بڵێ بۆ لیسته‌که‌، ئه‌وه‌ بوو دواتر لیسته‌که‌ دروست کراو و دووه‌م ناوی لیسته‌که‌ بووم خۆشی ئه‌رکی سه‌رۆکی فراکسێۆنی گۆڕانی پێ سپاردم.

لە کۆتایی نوسینەکەیدا ئەو پەرلەمانتارەی پێشوی گۆڕان دەڵێت، به‌ درێژایی کارکردنم له‌گه‌ڵ به‌ڕێزیان هه‌ستم کردوه‌ زۆر به‌ قووڵی پشت گیری ژنان و هاتنه‌ پێشه‌وه‌یان ده‌کات، به‌ڵام هه‌رگیز وه‌ک منه‌ت به‌ ژنان و بۆ بانگه‌شه‌ و دروشم به‌کاری نه‌ده‌هێنا، ڕۆحت شاد سه‌رکرده‌ مه‌زنه‌که‌.


زۆرترین خوێنراو‌