چۆنێتی ئامادەکردنی شیرینی بەسبوسە

AM:10:55:03/06/2017
كورد میدیا:
شیرینی بەسبوسە ئامادەکردنی ئاسانەو زۆرکەسیش ئارەزووی خواردنی دەکات.

كەرەستەكان :

- دوو قاپ سمید (جۆرێك بڕوێشی زۆر ووردە )
- یەك قاپ گوێزی هندی
- یەك قاپ  ماست
- نیو قاپ شەكر
- نیو قاپ كەرە
- بەك كیسە پیكن پاودەر
- یەك كیسە ڤانێلا
- تۆزێك شیری شل بوەپێی پێویست
- چەند دەنكێك بادەم بۆ ڕازاندنەوە
- شیلە

چۆنیەتی ئامادەكردنی ئەم شیرینیە :

سمید و ماست و شەكر و گوێزی هندی و كەرە و ڤانێلا و پیكن پاودەرەكە تێكەڵاو دەكرێت هەتا هەویرێكی توندی لێدەردەچێت دواتر كەمێك شیری تەڕی تێبكە بۆ ئەوەی هەویرەكە مامناوەند ببێتەوە واتە نە زۆر توند بێت و نەزۆر شل ، پاشان قالبێكی فڕن بهێنە و چەوری بكە و هەویرەكەی تیادا دابنێ و بە دەست پانی بكەرەوە دواتر بەچەقۆیەك بەشێوەی چوارگۆشە بیبڕە ، بۆ ئەوەی چوارگۆشەكان جوان دەربچێت زووو زوو چەقۆكە تەڕ بكە و هەویرەكەی پێ ببڕە و هەر چوارگۆشەیەك دەنكێك بادەمی بخەرە سەر و بیخەرە ناو فڕنێكەوە كە گەرمت كردبێت ، تەنها نیو كاتژمێر بەسە بۆ برژاندنی ئەم شیرینیە بەمەرجێك پێشتر فڕنەكەت لە پلەی كەرمای 250 پلە گەرم كردبێت ، دوای برژاندنی شیرینیەكە شیلەكەی بكە بەسەردا .

زۆرترین خوێنراو‌