نەوشیروان مستەفا و مەولانا خالیدی نەقشبەندی رێگایەكی تەواو نەكراو

PM:12:47:21/05/2017
كورد میدیا:
فەرمان ڕەشاد

تۆ كە رۆیشتی ملیۆنان دۆلاری خەلكی كوردستانت لە بانكەكانی ئەوروپا بەجێ نەهێشت، تۆ كە رۆیشتی بنەماڵەیەكی بازرگانت بەسەر قوتی خەڵكەوە جێنەهێشت، حیزبێكت جێ نەهێشت ناكۆكی لەسەر پلە و پۆست بەرژەوەندی هەبێت.

ئەوەی تۆ بۆمانت جێهێشت كتێب بو، تۆ دەتزانی رۆژێك دەرۆی، ویستت ئەوەی تۆی جێی دەهێلیت جیاوازبێت، مێژو و ئەدەبیات و بابەتە كۆمەلناسیەكانت بۆ گەلەكەت نوسیوە، تا پێیان بڵێی تا بەمێژوو نەچنەوە هەڵەكان دەست نیشان نەكەن هیچی نوێ بەدەست ناهێنن، تۆ لات لە بابەتە كۆمەڵناسیەكان كردەوە، تا دەستنیشانی لاوازی كەسایەتی تاكی كورد بكەی و چارەسەر دەستنیشان بكەی، تۆ ئەدەبت نوسیەوە تا بڵێی ئێوە ئەوكاتە میللەتێكی سەربەست دەبن كە بزانن پێشتر چیتان هەبوە و، لەسەریدا بینا بكەن.

تۆ وەك ئەوان سەرسام نەبوی بە بنەماڵە دیكتاتۆرەكان كە زەبر و زەنگ و گەندەڵی میراتیانە، تۆ قوڵتر بەدوای سەرمەشق گەڕای لەناو مێژووی كوردا، بۆیە نمونەی باڵا و بەرزی تۆ مەولانا خالیدی نەقشبەندی بو، تۆ مەولانا ئاسا تاكە تاوانت ئەوە بو كە لەپێش سەردەمەكەی خۆت دەژیای، بۆیەش نەتان توانی ئەوەی خەباتی بۆ دەكەن ئەنجامەكەی لەسەردەمی خۆتان ببینن، مەولانا خالیدی نەقشبەندی وەك تۆ چانسی كورد بۆ ئەوەی میللەتێكی سەردەستە دروست بێت، میللەتێك كە لەجێ ی ئەوەی پاشكۆ بێت پێشڕەو بێت، ,ویستت كەسایەتی تاكی كورد لەتێكشكاوی رزگاربكەی و خاوەنی ئیرادەی خۆی بێت، ئەوە ئامانجی مەولانا خالیدیش بوو.

تۆش هاوشێوەی مەولانا خالید كوڕی ئاغا و باڵبات و بنەماڵەی دەسەڵاتدار نەبوی یان بۆتان بمێنێتەوە، بەڵكو كوڕی هەژار و جوتیار بوون خۆتان له سفرەوە خەباتتان دەستپێكرد و بونە ڕابەری دوو بزوتنەوەی یەگرنگی كۆمەڵگەی كوردی.

هەردووكتان بەر لەهەموو كەس لەلایەن ركابەرەكانتانەوە ئەو دیینی تۆش سیاسی تۆمەتتان بۆ دروستكرا و تەخوێن و تەكفیركران، هەردووكتان هەمان سەختی رێگای خەباتتان تاقی كردەوە، هەردووكتان لەهەمان رۆژ واتە رۆژی جومعە بارگەتان تێكنا رۆیشتن، بەڵام وەك چۆن ركابەركانی مەولانا خالید لەمێژوو ناویان ون بو ناویش ئەویش هەمیشە دەدرەوشێتەوە، تۆش وەك هەمیشە لە خەبات لەپێناو عەدالەت و ئازادی و مافەكانی ئینسان وەك نمونەی باڵا و ئیلهامبەخش دەمێنیتەوە.

رۆحت شاد جێگات بەهەشت.

بەشێكی لە شیعرێكی مەولانا خالیدی نەقشبەندی كە لە ئاوارەیی نوسیویەتی:
گشت لەگەشتی دەشتە داوێن پڕ كوڵاڵەی ئاڵ و من
ئەشكی سوری، داخی دوری، دەوری كردمە لالەزەر
بێ نەوا و، دڵ لەخەم كەیل و، غەریب و بێ نسیب
دەست لەسەر دڵ، سەر لەسەر ئەژنۆ، چاو لەرێگای پرسیار


زۆرترین خوێنراو‌