خانمان دەبێت ئەم شتانە لەسەر سنگیان بزانن

PM:03:51:18/05/2017
كورد میدیا:
چه‌ندین خاڵی نه‌زانراو هه‌ن له‌سه‌ر ئه‌ندامه‌كانی جه‌سته‌ی مرۆڤ كه‌ نه‌ خانمان و نه‌پیاوان له‌سه‌ر جه‌سته‌ی خۆیان نایزانن.

ئه‌مانه‌ی خواره‌وه‌ له‌ گرنگترین ئه‌و خاڵانه‌ن كه‌ پێویسته‌ خانمان له‌سه‌ر سنگیان دەبێت بیزانن: -

1- قه‌باره‌ی مه‌مكه‌كانت هێنده‌ی یه‌كه‌:
زۆربه‌ی خانمان تێبینی ئه‌وه‌ده‌كه‌ن كه‌ قه‌باره‌ی مه‌مكیان یه‌كسان نیه‌، به‌ڵام توێژینه‌وه‌كان  ده‌ریانخستووه‌ قه‌باره‌كه‌یان یه‌كسانن به‌ڵام ئه‌وه‌ی لای ڕاستیان له‌ دڵه‌وه‌ نزیكتره‌.

2- قه‌باره‌ی سنگ گرێی ده‌رونی بۆ خانمان دروستده‌كات:
به‌پێی توێژینه‌وه‌كان، له‌ 30% ی خانمان له‌ سنگیان ڕازین، له‌ 70% كه‌ی دیكه‌یان به‌ قه‌باره‌ی سنگیان ڕازی نین،  زۆربه‌یان كێشه‌ی بچووكی سنگیان هه‌یه‌، له‌به‌ر ئه‌وه‌ خۆت خۆشبوێت، تۆ جوانیت قه‌باره‌ی سنگت هه‌رچه‌نده‌ بێت.

3- نیكۆتین:
نیكۆتین ده‌بێته‌هۆی شلبوونه‌وه‌ی سنگی خانمان، چونكه‌ نیكۆتین ده‌بێته‌هۆی نه‌هێشتنی توندی پێست و وا ده‌كات شل بێت، بۆیه‌ پێویسته‌ بۆ پارێزگاریكردن له‌ ته‌ندروستی سنگت، به‌هیچ جۆرێك جگه‌ره‌ نه‌كێشیت.

4- تێكچوونی قه‌باره‌ و ڕه‌نگی سنگ
هه‌ندێكجار نوستن له‌سه‌ر سنگ یاخود جلی توندی ژێره‌وه‌ ده‌بێته‌هۆی تێكدانی سنگت ئه‌گه‌ر هه‌ستت كرد كێشه‌ی له‌و جۆره‌ت هه‌یه‌، مه‌ساج به‌ سنگت بكه‌ و چونكه‌ ئه‌و كاره‌ سوڕی خوێنی خێرا ده‌كات و زوو چاره‌سه‌ری ده‌كات.

5- بچووكی قه‌باره‌ی سنگ
هه‌رچه‌نده‌ سنگی بچووك له‌ نێوان زۆربه‌ی قه‌باره‌كاندا له‌ لایه‌ن پیاوانه‌وه‌ به‌جوانتر و سه‌رنجڕاكێشتر ده‌بینرێت، كه‌چی زۆربه‌ی خانمان هه‌وڵی ئه‌وه‌ ده‌ده‌ن سنگیان گه‌وره‌ بكه‌ن.  بۆیه‌ خۆت قه‌بووڵ بكه‌ و كه‌سایه‌تیت گه‌وره‌تره‌ له‌ شێوه‌ی ده‌ره‌وه‌ت.