ئامه‌د: قه‌ده‌غه‌ی هاتوچۆ ڕاگه‌یه‌ندرا

PM:12:56:06/01/2017
لە 10 گوندی ناوچه‌ی لیجه‌ی سه‌ر به‌و پارێزگای ئامه‌د لە باکوری کوردستان قه‌ده‌غه‌ی هاتوچۆ ڕاگه‌یه‌ندرا.

ئاژانسی هەواڵی ئەنادۆڵ بڵاویکردوەتەوە ، پارێزگاری ئامەد لە بەیاننامەیەکدا ڕایگەیاندوە؛له‌ به‌ره‌به‌یانی‌ ئه‌مڕۆوه‌, قه‌ده‌غه‌ی‌ هاتوچۆ له‌ 10 گوندی ناوچه‌ی لیجه‌ی پارێزگاكه‌ ڕاگه‌یه‌نراوه‌، ئه‌وه‌ش به‌هۆی‌ ئه‌نجامدانی ئۆپه‌راسیۆنی سه‌ربازیی له‌ دژی پارتی‌ كرێكارانی‌ كوردستان په‌كه‌كه‌.

ئاماژه‌ی‌ به‌وه‌ش كردوه‌؛ قه‌ده‌غه‌ی هاتوچۆ كه‌ له‌ كاتژمێر پێنجی سه‌رله‌به‌یانی ئه‌مڕۆوە ، ده‌ستی پێ كردوه‌ تا كاتێكی نادیار به‌رده‌وام ده‌بێت.

جێی ئاماژەیە زیاتر له‌ ساڵێكه‌ شه‌ڕی سوپای توركیاو گه‌ریلاكانی په‌كه‌كه‌ له‌ زۆربه‌ی شار و ناوچه‌كانی باكووری كوردستان، ده‌ستی پێ كردوه‌و هه‌ردوولاش یه‌كتر به‌ شكاندنی ئاگربه‌ست و پرۆسه‌ی‌ چاره‌سه‌ری‌ تۆمه‌تبار ده‌كه‌ن.

زۆرترین خوێنراو‌