ڕیاڵ مەدرید نایەوێت زێدان دووربخاتەوە

PM:02:58:13/01/2018
کورد میدیا:
ئەگەرچی لەوەرزی ئەمساڵ ریال مەدرید بەئاستێكی لاواز دەركەوتووەو تا رادەیەك نازناوی خولی ئیسپانی لە دەست داوە ، بەڵام دەستەی كارگێری یانەی مێرەنگی متمانەی تەواویان بەراهێنەری فەرەنسی زێنەدین زێدان هەیە.

رۆژنامەی ماركا ئاشكرای كردوە فلۆرەنتینۆ پێرێز سەرۆكی ریال مەدرید بیر لەە ناكاتەوە دەست بەرداری تواناكانی راهێنەری فەرەنسی زێدان بێت و تەواو ئازادی پێ‌ بەخشیوە بۆئەوەی لە داهاتوودا چ بریارێك دەدات.

ماركا زیاتری نوسیوە ریال مەدرید تاوەكۆ كۆتایی وەرز چاوەروان دەكات بۆئەوەی راهێنەری فەرەنسی پلانی خۆی لە مێركاتۆی هاوینەی داهاتوو ئاشكرا بكات و چەند گرێبەستێك ئیمزا بكات كە یانەكە پێویستی پێ‌ هەبێت.

جێگەی ئاماژەیە زێدان لەماوەی دوو وەرز كاركردنی لەگەل َریال مەدرید توانی دڵخۆشی بۆهاندەرانی یانەكەی بگێرێتەوەو هەشت نازناو بەدەست بهێنێت كە تا ئێستا هیچ راهێنەرێكی ئەو یانەیە نەیتوانیوە ئەم كارە بكات.