بكوژی دوو كەسەكەی شۆڕش دەستگیركرا

PM:12:05:13/01/2018
كوردمیدیا: هەڤاڵ غالب
ئەو كەسەی دوێنێ لە بەردەم مزگەوتێكدا لە ناحیەی شۆڕش دوو هاوڵاتی كوشت، بەهەوڵی هێزە ئەمنیەكانی سنورەكە دەستگیركرا.

ڕەمەك ڕەمەزان، قائیمقامی چەمچەماڵ  لەلێدوانێكدا لەبارەی دەستگیر كردنی ئەو كەسەوە بە (كوردمیدیا)ی ڕاگەیاند" دوای ڕووداوەكەی دوێنێ، سەرجەم هیزە ئەمنیەكانی سنورەكە راسپێردران بۆ لیكۆڵینەوە و كۆكردنەوەی زانیاری لەسەر تۆمەتباری ڕووداوەكە و سەرجەم بازگەكانی سنورەكە ئاگادار كرانەوە كە تەقەكەرەكە دەستبەسەر بكەن.

ڕاشیگەیاند" لە درەنگانی ئەمشەودا، كەسەكە دەستگیركرا و بەفەرمانی دادوەر دەستگیركراوە و دواتر دانی ناوە بە تاوانەكەیدا".

ئاماژەی بەوەش كرد"بە پێی دانپێدانانەكانیدا، چەند ساڵێك بەر لەئیستا، كێشەی لەگەل یەكێك لەو هاوڵاتیانەدا هەبووە كە كوشتوویەتی".

ئاشكراشی كرد"دانی بەوەدا ناوە كە تەقەی لە نوێژخوێنان نەكردووە و تەنیا ویستوویەتی ئەو هاوڵاتییە بكاتە ئامانج، بەڵام كەسێكی دیكەش پێوە بووە".

دوێنێ بەهۆی دەستڕێژی گوللـەوە لە ناحیەی شۆڕش، دوو هاوڵاتی بەركەوتن و یەكێكیان دەستبەجێ گیانی لەدەستدا و ئەوەی دیكەشیان پاش گەیاندنی بۆ نەخۆشخانەی فریاكەوتنی سلێمانی گیانی لەدەستدا

 قایمقامی چەمچەماڵ وتیشی"هیچ كام لەو دوو هاوڵاتییە دانیشتوونی ناحیەكە نەبوون و تەنیا بۆ سەردانكردن چووبوونە ناحیەكە".

قائیمقامی چەمچەماڵ سوپاسی هێزە ئەمنیەكان دەكات، كە بەشێوەیەكی زۆر لەخۆ بووردوانە هەوڵەكانیان خستەگەڕ و توانیان لەماوەی 24 كاتژمێردا بكوژەكە بدۆزنەوە و دەستگیری بكەن، هاوكات سوپاسی هاوڵاتیان دەكات كە لەم ڕووداوانەدا هاوكار و هەماهەنگن و زانیاری بە دەزگا ئەمنیەكان دەدەن.

 

بكوژی دوو كەسەكەی شۆڕش دەستگیركرا #كوردميديا ئەو كەسەی دوێنێ لە بەردەم مزگەوتێكدا لە ناحیەی شۆڕش دوو هاوڵاتی كوشت، بەهەوڵی هێزە ئەمنیەكانی سنورەكە دەستگیركرا. ڕەمەك ڕەمەزان، قائیمقامی چەمچەماڵ لەلێدوانێكدا لەبارەی دەستگیر كردنی ئەو كەسەوە بە (كوردمیدیا)ی ڕاگەیاند" دوای ڕووداوەكەی دوێنێ، سەرجەم هیزە ئەمنیەكانی سنورەكە راسپێردران بۆ لیكۆڵینەوە و كۆكردنەوەی زانیاری لەسەر تۆمەتباری ڕووداوەكە و سەرجەم بازگەكانی سنورەكە ئاگادار كرانەوە كە تەقەكەرەكە دەستبەسەر بكەن. ڕاشیگەیاند" لە درەنگانی ئەمشەودا، كەسەكە دەستگیركرا و بەفەرمانی دادوەر دەستگیركراوە و دواتر دانی ناوە بە تاوانەكەیدا". ئاماژەی بەوەش كرد"بە پێی دانپێدانانەكانیدا، چەند ساڵێك بەر لەئیستا، كێشەی لەگەل یەكێك لەو هاوڵاتیانەدا هەبووە كە كوشتوویەتی". ئاشكراشی كرد"دانی بەوەدا ناوە كە تەقەی لە نوێژخوێنان نەكردووە و تەنیا ویستوویەتی ئەو هاوڵاتییە بكاتە ئامانج، بەڵام كەسێكی دیكەش پێوە بووە". دوێنێ بەهۆی دەستڕێژی گوللـەوە لە ناحیەی شۆڕش، دوو هاوڵاتی بەركەوتن و یەكێكیان دەستبەجێ گیانی لەدەستدا و ئەوەی دیكەشیان پاش گەیاندنی بۆ نەخۆشخانەی فریاكەوتنی سلێمانی گیانی لەدەستدا  قایمقامی چەمچەماڵ وتیشی"هیچ كام لەو دوو هاوڵاتییە دانیشتوونی ناحیەكە نەبوون و تەنیا بۆ سەردانكردن چووبوونە ناحیەكە". قائیمقامی چەمچەماڵ سوپاسی هێزە ئەمنیەكان دەكات، كە بەشێوەیەكی زۆر لەخۆ بووردوانە هەوڵەكانیان خستەگەڕ و توانیان لەماوەی 24 كاتژمێردا بكوژەكە بدۆزنەوە و دەستگیری بكەن، هاوكات سوپاسی هاوڵاتیان دەكات كە لەم ڕووداوانەدا هاوكار و هەماهەنگن و زانیاری بە دەزگا ئەمنیەكان دەدەن.

A post shared by Kurd Media (@kurdmedia.news) on