ئاڵا تاڵەبانی نامەیەکی مام جەلال بڵاودەکاتەوە کە پارتی بەخیانەتکار ناودەبات

AM:11:04:13/01/2018
کورد میدیا:
پەرلەمانتارێکی یەکێتی لە ئەنجومەنی نوێنەرانی عیراق بەتوندی هێرشدەکاتە سەر بەشێک لە سەرکردەکانی یەکێتی بەهۆی نزیکیان لە پارتی دیموکراتی کوردستان و پارتیش بە خیانەتکار ناودەبات.

ئاڵا تاڵەبانی، پەرلەمانتاری یەکێتی لە ئەنجومەنی نوێنەرانی عیراق لە نوسینێکیدا لەژێ ناونیشانی(خیانەتەكانی بارزانی و پاشكۆ بوونی هەندێ لە برادەران) لەفەیسبووک هێرش دەکاتەسەر هەندێک لە سەرکردەکانی یەکێتی و  ئاماژە بەوەدەکات، "جەنابی مام جەلال نامەیەكی ئاڕاستەی بەڕێز وفیق السامرائی كردووە لە بەرواری ١٩٩٧/١/١٥ ئاماژە بە دوو بەلگەی حاشا هەڵنەگر دەكات و بەوردی باس لە زنجیرە خیانەتەكانی بنەماڵەی بارزانی و پارتی دەكات كاتێك جەنابی مام ئەنوسێت (العدوان الصدامی- البارزانى الغادر )".

دەشڵێت،"هەق وابوو ئەو نامەیەی جەنابی مام جەلال ببوایە بە پەند و عیبرەت بۆ هەندێ لەو برادەرانی سەركردایەتی یەكێتی بە شەرمەزاریەوە بوونەتە پاشكۆی پارتی".

لە بەشێکی دیکەی نوسینەکەیدا، ئەو پەرلەمانتارەی یەکێتی لە ئەنجومەنی نوێنەرانی عیراق دەڵێت،" نازانم چاوەڕوانی چی غەدرێكی تر ئەكەن لە پارتی".

دەقی نامەکەی مامجەلال کە بۆ وفیق السامرائی كردووە:

Image may contain: text