نرخی نەوت بەرزترین ئاستی تۆماركرد

PM:05:53:12/01/2018
كورد میدیا:
ئەمڕۆ هەینی نرخی نەوت لە بازاڕەكانی جیهان لە ئاستێكی بەرزدا مایەوەو بەرزترین نرخی لەماوەی سێ ساڵی رابردوودا تۆماركرد و، نرخی هەر بەرمیلێك نەوتی برنت لەسەرووی 70 دۆلار مامەڵەی پێوەدەكرێت.

بەگوێرەی هەواڵی ئاژانسی رۆیتەرز، ئەمرۆ هەینی بەهۆی زۆریی خواست لەسەری، نرخی یەك بەرمیل نەوتی خاوی برێنت، لە بازاڕەكانی جیهاندا، گەیشتۆتە 70 دۆلار ‌و نیو سەنت.

بەرزبوونەوەی نرخی نەوت لە بازاڕەكانی جیهان بۆ سەرو 70 دۆلار بەراورد بە زیاتر لە سێ ساڵی رابردوو بەرزترین نرخە، لە كاتێكدا بە پێچەوانەوە لە مانگی شوباتی 2016 دا نزمترین نرخی تۆماركرد و هەر بەرمیلێك بۆ 27 دۆلار دابەزی.