هۆکارەکانی سه‌ركه‌وتنی كۆتینهۆ له‌گه‌ڵ بارسێلۆنا

PM:04:37:12/01/2018
کورد میدیا:
دوای ئه‌وه‌ی فلیپی كۆتینهۆ ئه‌زموونێكی سه‌ركه‌وتووی له‌گه‌ڵ یانه‌ی لیڤه‌رپوول تێپه‌ڕ كرد له‌ گواستنه‌وه‌ی زستانه‌ی ئه‌مساڵ به‌ بڕی 160 ملیۆن یۆرۆ په‌یوه‌ندی بارسێلۆنا كرد.

به‌ گوێره‌ی ئامارێكی میدیایی پێشبینی ده‌كرێت به‌هۆی 5 هۆكار ئه‌ستێره‌ به‌رازیلییه‌كه‌ له‌گه‌ڵ یانه‌ كه‌ته‌لۆنیاییه‌كه‌ سه‌ركه‌وتوو بێت.


1ـ شاره‌زا له‌ شێوازی ئه‌سیست و گۆڵكردن:


فلیپی كۆتینهۆ له‌ 153 یاری له‌ پرێمه‌رلیگ، 41 گۆڵی كرد، ئه‌مه‌ش گه‌وره‌ترین ده‌ستكه‌وتی یاریزانێكی به‌رازیلییه‌ كه‌ له‌ پرێمه‌رلیگ تۆماری كردبێت.


كۆتینهۆ وه‌رزی رابردوو 13 گۆڵی كرد و 7 ئه‌سیستی هه‌بوو، هه‌ڵبه‌ت رۆڵێكی گه‌وره‌ی بینی له‌ جێگیركردنی لیڤه‌رپوول له‌ 4 یانه‌كه‌ی سه‌رووی ریزبه‌ندی پرێمه‌رلیگ.


2ـ برسی ناسناوه‌كان:


كۆتینهۆ پێشتر له‌گه‌ڵ یانه‌ی ئینته‌ر میلان جامی ئیتاڵیا و سووپه‌ری ئیتاڵیای برده‌وه‌، به‌ڵام له‌ ماوه‌ی 5 ساڵ له‌گه‌ڵ لیڤه‌رپوول هیچ ناسناوێكی نه‌برده‌وه‌، سه‌ره‌ڕای ئه‌وه‌ی ئاستێكی به‌رزی پێشكه‌ش كرد، به‌ڵام بووه‌ گه‌وره‌ترین قوربانی و له‌سه‌رجه‌م ناسناوه‌كان بێبه‌شبوو.


3ـ شێوازی یاریكردنی:


كۆتینهۆ جارێكی دیكه‌ له‌گه‌ڵ لویس سوارێزی هاوڕێی پێشووی لیڤه‌رپوول له‌ یه‌ك تیپ یه‌كیان گرته‌وه‌. شێواز و رێگای كۆتینهۆ بۆ مێسی و سوارێز به‌سوود ده‌بێت، چونكه‌ ئه‌و یاریزانه‌ توانایه‌كی باشی له‌ چالاككردنی هێرشبه‌رانی پێشه‌وه‌ هه‌یه‌.


4ـ كۆتینهۆ له‌گه‌ڵ فشاره‌كانی هانده‌ران راهاتووه‌:


كۆتینهۆ پێشتر كاتێك له‌ یانه‌ی ئینته‌ر میلان و لیڤه‌رپوول یاری كردووه‌ و له‌ ڕووی مامه‌ڵكردن له‌گه‌ڵ هانده‌ران زۆر لێزان و نایابه‌، به‌مه‌ش پێشبینی ده‌كرێت به‌ باشترین شێوه‌ ببێته‌ ئه‌ستێره‌یه‌كی روحسووكی به‌رده‌م هانده‌رانی كامپ نوو.


5ـ شاره‌زا و بلیمه‌ت:


كۆتینهۆ ئێستا ته‌مه‌نی 25 ساڵه‌، به‌شێك له‌ ته‌مه‌نی بچووكی پێشووی له‌ خولی سێریا ئه‌ی و پرێمه‌رلیگ تێپه‌ڕ كرد، پێشتریش به‌ درێسی ئیسپانیۆل 16 یاری له‌ لالیگا كردووه‌ و هه‌ڵگری درێسی هه‌ڵبژارده‌ی به‌رازیلیشه‌