دادگاییكردنی دەمیرتاش دەستیپێكرد

PM:03:34:12/01/2018
كورد میدیا:
دادگاییكردنی سەڵاحەدین دەمیرتاش هاوسەرۆكی پارتی دیموكراتی گەلان ( هەدەپە ) لە دادگای سەرەكی سزادانی ئیستەنبوڵ دەستیپێكرد.

دوانیوەڕۆی ئەمڕۆ سەڵاحەدین دەمیرتاش هاوسەرۆكی هەدەپە لە یەكەمین دادگایكردنیدا بە شێوەیەكی ئاشكرا لە دادگا لە ئیستەنبوڵ دەركەوت و خەڵكێكی زۆر پێشوازیان لێكرد.

پێشتر وابڕیار بوو لە دادگای سیلڤری ئەنكەرە دادگایی بكرێت بەڵام بەهۆی ناڕەزای دەمیرتاش و هەدەپەوە دادگاییەكە دواخرا.
لە كاتی دەستگیركردنیەوە لە مانگی نۆڤەمبەری 2016وە تا ئێستا ئەوە یەكەم جارە دەمیرتاش بە شێوەیەكی ئاشكرا بەشدار دەبێت و دەردەكەوێت.

سەڵاحەدین دەمیرتاشی لە 4ی تشرینی دووەمی 2016 لەگەڵ 10 پەرلەمانتاری هەدەپە دەستگیركرا لەچوارچێوەی ئەو هەڵمەتەی دەسەڵاتدارانی توركیا لە دوای كودەتا شكست خواردووەكەی تەموزی 2016 پەلیكێشا بۆ ناوەندەكانی پشتیوانیكردن لە كوردانی ئەو وڵاتەش.