مەحمود سەنگاوی بۆ مەلا بەختیار: سەدام هێزی هەبوو بەڵام ڕوخا

PM:08:09:11/01/2018
كورد میدیا:
فه‌رمانده‌یه‌كی سه‌ربازی‌ یه‌كێتی هێرشده‌كاته‌سه‌ر مه‌لا به‌ختیار له‌سه‌ر ئه‌وه‌ی‌ رایگه‌یاندوو ئێمە ئەگەر یەک کورسیش بێنین هەر یەکێتین چونکە هێزمان هەیە، و ده‌ڵێت: سه‌ردام حسێن-یش هێزی زه‌به‌لاحی هه‌بوو به‌ڵام رووخا.

مه‌حمود سه‌نگاوی‌، ئه‌ندامی مه‌كته‌بی سیاسی یه‌كێتی و یه‌كێك له‌ فه‌رمانده‌ سه‌ربازییه‌كانی‌ ئه‌و حزبه‌ له‌ په‌یجی تایبه‌تی خۆی‌ له‌ تۆڕی‌ كۆمه‌ڵایه‌تی فه‌یسبوك نوسێوێتی "بەداخەوە زۆر جار هەندێ کەس لە ناو یەکێتی نیشتیمانی کوردستاندا دێتە سەر شاشەی تەلڤیزیۆنەکان و قسە دەکات کە ڕەنگە زەرەری زۆری هەبێت بۆ یەکێتی نیشتیمانی کوردستان".

ده‌شڵێت "لەم ڕۆژانەدا هەڤاڵێکمان هەندێ قسەی کرد کە دوورە لە پەیڕە و پرۆگرامی یەکێتیەوە و ووتی: ئێمە ئەگەر یەک کورسیش بێنین هەر یەکێتین چونکە هێزمان هەیە، بەڵام هەڤاڵێنە سەدام حوسێنیش هێزێکی زەبالحی هەبوو بەڵام چونکە جەماوەری لە دەستدا تووشی چارەنووسێکی ڕەش بوو".

ئه‌و فه‌رمانده‌ سه‌ربازییه‌ یه‌كێتی ئاماژه‌ به‌وه‌شده‌كات "بۆیە پێم وایە ئێمەش ئەگەر پشت بەوە ببەستین کە هێزمان هەیە و گوێ نەدەین بە لە دەستتدانی جەماوەرەکەمان، ئەوا دڵنیا بن زۆر نابات ئێمەش دەڕوخێین".