پێنج دەوڵەمەندترین مرۆڤەكانی جیهان بناسە

PM:03:09:11/01/2018
كورد میدیا:
ئاژانسی نێودەوڵەتی بلۆمبێرگ، پێنج دەوڵەمەندترین مرۆژی لەسەرتاسەری جیهاندا ئاشكراكرد، كە دامەزرێنەری كۆمپانیای (ئەمازۆن) لەپلەی یەكەمی ریزبەندیەكەدایە.

بەگوێرەی ئاژانسی نێودەوڵەتی بلۆمبێرگ، (جێف بیزۆس) دامەزرێنەری كۆمپانیای (ئەمازۆن) و هاوكات كە بەڕێوەبەری جێبەجێكاری ئەو كۆمپانیایەیە، تا سەرەتای ساڵی (2018) سەروەتی گشتی بیزۆس گەیشتۆتە زیاتر لە (105) ملیار دۆلار، جگە لە خاوەندارێتی بیزۆس بۆ ئاژانسی گەردوونی (بلو ئۆرجین) و (واشنتۆن پۆست) بۆ چاپ و بڵاوكردنەوە، لەریزبەندی پێشەوەی دەوڵەمەندترین پیاوانی جیهانە.

لەپلەی دووەكی ریزبەندییەكەدا، ( بێل گێتس)، دامەزرێنەری كۆمپانیای مایكرۆسۆفت دێت، كە سەروەتەكەی دەگاتە (93.3) ملیار دۆلار، پلەی سێیەمیش بەر (وارن بافێت)، كەسێكی وەبەرهێنەر كەوتووەو سەروەتەكەی بە (87.2) ملیار دۆلار دەخەمڵێندرێت.

هەروەها  (مارك زۆكەربێرگ) دامەزرێنەری كۆمپانیای فەیسبووك، پلەی چوارەمی ریزبەندییەكەی گرتووە، كە سامانەكەی دەگاتە (77.5) ملیار دۆلار، پێنجەم دەوڵەمەندی جیهانیش (ئەمانیسۆ ئۆرتیگا) ی سەرۆكی پێشووی ("Inditex") ەو سەروەتەكەی دەگاتە (76) ملیار دۆلار.