ماسکی سپێنەی هێلکە بەسودترین ماسکە

PM:02:42:09/01/2018
کورد میدیا:
هێلكه‌ ده‌وڵه‌مه‌نده‌ به‌ پرۆتینی دروست، هه‌ر بۆیه‌ بایه‌خێكی زۆری هه‌یه‌ بۆ له‌ش و ده‌توانیت به‌ زۆر شێوه‌ به‌كاریبهێنیت، به‌لاَم سپێنه‌ی هێلكه‌ به‌هۆی ئه‌وه‌ی خاڵیه‌ له‌ چه‌وری و كۆلیسترۆڵ سوده‌كانی زۆرتره‌ به‌تایبه‌تی بۆ پێست.

سپێنه‌ی هێلكه‌ 69 جۆر پرۆتینی تێدایه‌ هه‌ر بۆیه‌ زۆر به‌سوده‌ بۆ پێست، ده‌بێته‌ هۆی سپیكردنه‌وه‌ و پاكردنه‌وه‌ی پێست، هه‌روه‌ها كونیله‌كانی پێست بچوك ده‌كاته‌وه‌ پێستێكی ساف پێده‌به‌خشێت، سپێنه‌ی هێلكه‌ پێست ده‌گه‌شێنێته‌وه‌ گه‌نجی ده‌كاته‌وه‌ له‌ چرچ بوون ده‌یپارێزێت، هه‌روه‌ها ئاستی چه‌وری پێست ده‌پارێزێت و ئه‌و كه‌سانه‌ی زۆر پێستیان چه‌وره‌ یارمه‌تی كه‌مكردنه‌وه‌ی ده‌دات.

هه‌ر بۆیه‌ ده‌توانی به‌كاریبهێنیت رۆژانه‌ یان رۆژ نا رۆژێك بۆ ماوه‌ی 30 خوله‌ك، به‌لاَم ئه‌گه‌ر به‌ بۆنی بێزار بیت ده‌توانی ئاوی لیمۆی تێبكه‌یت ئینجا بیده‌یت له‌ روخسارت چونكه‌ به‌م شێوه‌یه‌ سودی زۆرتره‌ زیپكه‌ش لاده‌بات، دواتر به‌ ئاوی سارد روخسار بشۆ.