ژمارەی خنكانی كۆچبەران لە ساڵی 2017 كەمیكردووە

AM:10:51:06/01/2018
كورد میدیا:
بەپێی ئامارێكی رێكخراوی نێودەوڵەتی كۆچ و كۆچبەران، ژمارەی خنكان و گیان لەدەستدانی كۆچبەران لەدەریای ئیجە لە ساڵی (٢٠١٧)دا، بەراورد بەساڵی (٢٠١٦) بەڕێژەی (٨٥%) كەمیكردووە.

جویا میلمان وتەبێژی رێكخراوی كۆچبەران لە كۆنگرەیەكی رۆژنامەوانیدا رایگەیاند" ژمارەی ئەو كۆچبەرانەی لەساڵی رابردوودا گەیشتونەتە یۆنان 29 هەزار و 595 كۆچبەربوون، "ئەوەش كەمترین ژمارەیە بە بەراورد لەگەڵ چوار ساڵی رابردوو".

هەروەها بەپێی ئامارەكانی رێكخراوەكە، 171 هەزار و 635 كۆچبەری بە بەلەم لە ساڵی 2017 گەیشتونەتە ئەوروپا، لەكاتێكدا لەساڵی 2016 ئەو ژمارەیە 363 هەزار و 504 كۆچبەر بووە.

رێكخراوەكە باسی لەوەش كردووە، كە 173 هەزار و 614 كۆچبەر لە ڕێی دەریاوە لەساڵی 2016 گەیشتوونەتە یۆنان.