خواستی كوڕان بۆ جوانكاری گۆڕانی بەسەرداهاتووە

PM:12:46:11/12/2017
ژیان: هەڤاڵ غالب
كاوە محەمەد، خوێندكاری زانكۆ لەكاتی ئاساییدا هەفتانە سەردانی سەنتەرەكانی جوانكاری دەكات‌و نزیكەی 10 هەزار دینار بەسەرتاشین‌و مۆم‌و ریش تاشین‌و داهێنانی قژ بەشێوەی ستایلی جیاواز خەرجدەكات.

جگە لەوە ئەگەر كاوە بەنیازی ئاهەنگ یان بۆنەیەكی تایبەتی بێت ئەوا چەند بابەتێكی جوانكاری ئەنجام دەدات، وەك قژداهێنان‌و مەساج‌و خێت‌و مەیك ئاپ كە نزیكەی 20 بۆ 25 هەزار دیناری تێدەچێت.

كاوە بۆ (ژیان) باسی لەوەكرد، قەیرانی دارایی هیچ كاریگەری لەسەر شوێنەكانی جوانكاری نەبووە، بەتایبەت لەكاتی جەژن‌و ئاهەنگەكانی دەرچوونی خوێندكاراندا وەك پێشوو قەرەباڵغە، خاوەنی ئەوشوێنانەش رەچاوی بارودۆخ‌و داهاتی گەنجان ناكەن.

زانیاری زیاتر لە ژمارە (23)ی رۆژنامەی (ژیان) بخوێنەرەوە كە ئەمڕۆ (یەكشەممە) بڵاوكرایەوە‌و ئێستا لەبازاڕەكانی هەرێمە.