گەرمیان: لەرووداوێكی هاتوچۆدا دوو هاووڵاتی بوونە قوربانی

PM:06:36:07/12/2017
كورد میدیا:
وتەبێژی پۆلیسی گەرمیان گیان لەدەستدانی هاووڵاتیەك و برینداربوونی هاووڵاتیەكی دیكەی بەهۆی رووداوێكی هاتوچۆوە رادەگەیەنێت.

لەراگەیەندراوێكدا كە وێنەیەكی بۆ (كورد میدیا) نێردراوە تێیدا، علی جەمال قدووری وتەبێژی پۆلیسی گەرمیان ئاشكرایكردووە" ئێوارەی ئەمڕۆ پێنج شەممە لەسەرڕێگای كەلار +ناحییەی ڕزگاری ڕووداویكی پێكدادان لەنێوان ماتوورسكیل و ئۆتۆمبێلێك لەجۆری جیب شیرۆكی ڕوویدا لەئەنجامدا شۆفێری ماتوورسكیلەكە بەناوی (احمد سابر محمد) لەدایكبووی 2001 دانیشتووی قەزای كەلار گیانی لەدەستدا ".

دەشلێت" لە رووداوەكەدا سەرنشینێكی ماتوورسكیلەكەش بەسەختی برینداربوو دوای چارەسەری پێویست لەبەشی فریاكەوتنی شەهید هەژار لەكەلار بەهۆی سەختی برینەكەیەوە ڕەوانەی نەخۆشخانەی سلێمان كراوە ".

وتەبێژی پۆلیسی گەرمیان ئاماژەی بەوەشكردووە " لەئێستاشدا شۆفێری ئۆتۆمبێلەكە بەبڕیاری دادوەرو بەپێی مادەی 24ی هاتووچۆ بەندكراوە".