وێنە: سۆران عومەر ئەشكەنجەدانی گەنجێك لەلایەن باوكیەوە ئاشكرا دەكات

PM:04:33:07/12/2017
كورد میدیا:
سەرۆكی لیژنەی مافی مرۆڤ لە پەرلەمانی كوردستان ڕادەگەیەنێت، پیاوێك لەشاری هەولێر دەستگیركراوە كە بەشێوەیەكی نامرۆڤانە لە كوڕە تەمەن 15 ساڵەكەی خۆی داوە.

سۆران عومەر، سەرۆكی لیژنەی مافی مرۆڤ لە پەرلەمانی كوردستان، لە هەژماری تایبەتی خۆی نوسیویەتی"باوكێك بەم جۆرە نامرۆڤانە ئەشكەنجەی كوڕەكەی داوە، شەوی ڕابردوو لەشاری هەولێر باوكێك ئەشكەنجەی كوڕە 15 ساڵانەكەی دەدات".

ناوبراو ئەوەشی ئاشكرا كردوە، باوكی كوڕەكە دەستگیركراوە و دەڵێت"پاش ئاگاداركردنی كاك چیا‌و بگرس سەرۆكی دەستەی مافەژانی مرۆڤ تیمێكی ڕاسپارد بۆ ئەم كەیسەو سەردانیان كرد".

ئەو نوسینەی سۆران عومەر لەكاتێكدایە، دوێنێ‌ چوارشەممە ئەوە ئاشكرا بوو كە منداڵێكی تەمەن 9 ساڵ لەلایەن دایكیەوە بۆماوەی دوو مانگ خواردنی پێنەدراوە و هاوكات ئەشكەنجەیەكی زۆر درابوو.