ژنێكی عێراقی: بەشیش لەكچەكەمم دا هەتاوەكو كوشتم

PM:06:40:18/11/2017
كورد میدیا:
فەرماندەی پۆلیسی پارێزگای دیوانییە ڕایگەیاندوە، هێزێكی هاوبەشی پۆلیسی نەهێشتنی تاوان بەهاوكاری هێزێك لە پۆلیسی فریاكەوتن توانییان ئەو دایكە 32 ساڵانە دەستگیر بكەن كە كچە 11 ساڵانەكەی خۆی كوشتبوو.

ئەمڕۆ شەمە، عەمید (فرقەد زغیر)، فەرماندەی پۆلیسی پارێزگای دیوانییە لەڕێگەی ڕاگەیەنراوێكەوە بڵاوی كردەوە، ژنە دەستگیركراوەكە، بە شیشێكی ئاسن لە كچە تەمەن 11 ساڵەكەی خۆی دابوو، بەو هۆیەشەوە كچەكە گیانی لەدەست دا.

ئەو فەرماندەیە لەڕاگەیەنراوەكەدا ئەوەشی ئاشكرا كردوە، دایكەكە دانی بە ئەنجامدانی تاوانەكەیدا ناوە و وتوویەتی، بە شیشێك لێیداوە تا كوشتوویەتی.

ڕاگەیەنراوەكە ئەوەشی خستۆتەڕوو، پاش لێكۆڵینەوە وگەیاندنی كچەكە بە نەخۆشخانەی دیوانییەی فێركاری، توانییان بگەن بە ئەنجامدەری تاوانەكە و دەستگیری بكەن.