تۆربایینی ژمارەیەك وێستگەی دەربەندیخان بەگەڕخرایەوە

AM:10:02:15/11/2017
كورد میدیا:
بەرێوەبەرایەتی گشتی كارەبای سلێمانی بەگەڕخستنەوەی تۆربایینی ژمارەیەك وێستگەی دەربەندیخانی، بەهۆی بوومەلەرزەكەوە راگەیاند.

ئەندازیار خالید سەلیم بەڕێوەبەری بەرهەمهێنانی ووزەی كارەبای سلێمانی رایگەیاند" دوای لەكاركەوتنی یەكەكە ستافی ویستگەی بەرهەم هێنانی كارەبای دەربندیخان دوای گەران و پشكنین بۆ سەرجەم بەشەكانی وویستگەكە زیانەكان لە هەندێك جێگاو بەش رووی داوەو توانرا چارەسەر بۆ ئەو گرفتانە بكرێت و یەكەكە ( تۆرباینەكە ) بەگەڕخرێتەوە".

دەشڵێت" بە گشتی سەرجەم بەشە سەرەكییەكانی ویستگەكە و ئامێرەكان سەلامەتن و بێ زیانن".

 ئەمەش لەكاتێكدایە بەهۆی بوومەلەرزەكەی دوو شەوی رابردوو، یەكەی ( تۆرباین)ی ژمارە (۱) لەكاركەوت، شەت داونی كردو، ئەمڕۆ بەگەڕخرایەوە.