دوایین ئاماری قوربانیانی بومەلەرزەکەی ئێران راگەیەندرا

PM:03:57:14/11/2017
کورد میدیا:
بەپێی دوایین ئامارەکان 423 کەس لە ئەنجامی بوومەلەرزەکەی پارێزگای کرماشاندا گیانیان لەدەستداوە، 7 هەزار و 370 کەسیش برینداربوون.
ئەمڕۆ سێشەممە دوایین ئاماری قوربانیانی بومەلەرزەکەی پارێزگای کرماشان راگەیەندرا، کە بەپێی ئاماژەیە ژمارەی ئەو کەسانەی گیانیان لەدەستداوە بەپێی شارەکان بەمشێوەیە بووە:

- سەرپێڵی زەهاو 316 کەس.
- قەسری شیرین 28 کەس.
- کرماشان 25 کەس.
- ئیسلامئاوای رۆژئاوا 22 کەس.
- سەلاس و باوەجانی 15 کەس.
- کرێند 14 کەس.
-جوانڕۆ 3 کەس .

لایخۆشیەوە عەبدولڕەزا رەحمانی فەزلی، وەزیری ناوخۆی  ئێران رایگەیاند:" بەهۆی بوومەلەرزەکەوە هەزار و 900 گوند و 7 شاری پارێزگای کرماشان زەرەر و زیانیان بەرکەوتووە.

هەر بەهۆی بومەلەرزەکەوە 12 هەزار خانووبەرەش لە شار و گوندەکانی ئەم پارێزگایە بەتەواوەتی داڕووخاون و 15 هەزار خانووش پێویستییان بە نۆژەنکردنەوە هەیە.

بۆ ئەو مەبەستەش قاسم جاسمی، نوێنەری کرماشان  داوای لە سەرۆک کۆماری ئێران کردوە لە بودجەی ساڵی داهاتوودا، بودجەیەکی تایبەت بۆ پارێزگای کرماشان تەرخان بکات.

ئێوارەی 12ی تشرینی دووەم، بومەرلەزیەك لە گوڕی 7.2 بە پلەی رێختەر، رۆژهەڵات و باشوری كوردستان و چەندین ناوچەی دیكەی عێراقی هەژاند، كە بوە هۆی ئەوەی ژمارەیەكی زۆر قوربانی لێبكەوێتەوە.

زۆرترین خوێنراو‌