باژەڵە؛ بڕینی سكی منداڵ بۆ نەهێشتنی گریان

PM:03:52:12/11/2017
کورد میدیا:ژیان: هەڤاڵ غالب
ئالان بەهۆی گریانی منداڵەكەیەوە تەواو بێزارببوو تەنانەت هەوڵی خنكاندنی دابوو، چونكە هەفتەیەكی تەواو نەیهێشت بخەوێت، پێش ئەوەی پەنا بباتە بەر "چارەسەرێكی كوردەواری" بۆ بڕینی پێستی سكی منداڵەكەی تا خەوی لێبخات‌و چیتر نەگری.

ئالان كە منداڵەكەی تەمەنی تەنها چوار مانگ بوو، ماوەی یەك مانگ مناڵەكەی نەخۆش كەوت‌و بەوتەی خۆی لەوماوەیەدا هەشت جار بردوویەتییە لای پزیشك بۆ چارەسەری گریانی بەردەوامی منداڵەكەی.

"ماوەی یەك هەفتەی تەواو نەخەوتم‌و بەردەوام بەدیاری مناڵەكەمەوە بووم تا وام لێهات سەرینێك بخەمە سەر دەمی‌و بیخنكێنم بۆ ئەوەی بێدەنگ بێت، چونكە هیچ دكتۆرێك چارەسەری ئەم مناڵەی نەدەكردو دەیگوت ناوسكی ئیلتیهابی هەیە هەریەكەو چەند شروب‌و قەترەیەكی پێدەداو سودی نەبوو" .

ئالان بۆ (ژیان) باسی لەوەكرد،خزمێكی بەتەمەنی پێی وتووە (باژەڵە) بۆ منداڵەكەی بكەن بۆ ئەوەی چاك بێتەوە، "بۆیە هاتمە لای كەسێكی شارەزاو چەند موسێك _گوێزان_ ی لەسكی مناڵەكەمداو هەرلەوێ خەوی لێكەوت‌و چاك بۆیەوەو گریانی كۆتایی پێهات".

تەواوی ئەم راپۆرتە لە ژمارە(١٩)ی رۆژنامەی(ژیان)دایە کە ئێستا لە بازاڕەکانی هەرێمی کوردستان بەردەستە.