هەژماری بانكی كەسایەتیەكی گەورەی بنەماڵەی ئال سعود بلۆك دەكرێت

PM:08:15:08/11/2017
كورد میدیا:
ئاژانسی رۆیتەرز لەزاری سەرچاوەیەكەوە بڵاوی كردۆتەوە، سعودیە هەژماری تایبەتی بانكی شازادە (محەمەد بن نایف) و ئەندامانی خێزانەكەیان بلۆك كردوە.

سەرچاوەیەكی دیكەش لەنێو بانكەكانی سعودیەوە بە رۆیتەرزی ڕاگەیاندوە"لەلایەن بانكی مەركەزییەوە هەموو سەرە سەعاتێك لیستی هەژماری بانكی ئەو كەسانە زیاددەكرێت كە دەنێرێن بۆ بانكەكان بە مەبەستی بلۆككردنی پارەكانیان".

هاوكات سەرچاوەكە ئەوەشی ئاشكرا كردوە، تاكو ئێستا نزیكەی 1700 هەژماری تایبەتی بانكی لەلایەن دەسەڵاتدارانی سعودیەو بە ئاگاداری بانكی مەركەزی وڵات بلۆك كراون.

شازادە (محەمەد بن نایف)، یەكێكە لەكەسایەتییە باڵاكانی نێو خانەوادەی ئال سعودی فەرمان ڕەوا لەسعودیە.