ڕەوا جەمال دواین بەرهەمی بۆ کوردمیدیا ئاشکرا دەکات

AM:11:21:12/10/2017
كورد میدیا:ئاڤێستا محەمەد
هونەرمەندی ناسراوی کورد "دکتۆر ڕەوا" نوێترین کاری هونەری ئاشکرا دەکات و ڕایدەگەیەنێت، سەرقاڵی ئامادەكارییە بۆ ئەلبومێكی نوێ.

ڕەوا جەمال لە لێدوانێکدا بە (کوردمیدیا)ی ڕاگەیاند" سەرقاڵی ئامادەكارییە بۆ ئەلبومێكی نوێ لە سەرەتای ساڵی ئایندەدا، بەڵام چەند تراكێكی ماوە كاری تۆماری دەنگی بۆبكرێت".

وتیشی" لەئێستادا 8 تراكی ئامادەیە، بەڵام دەیەوێت ئەلبومەكەی لە 10 تراك پێكبێت، تائێستا ناوی بۆ ئەو ئەلبومەی نەدۆزیوەتەوە، 3 تراكی لە ڕابردوودا ردووە بە کلیپ".

ئاشکراشیکرد" تێکستی هەریەکە لە شاعیران ( ساڵح بێچار و ئیسماعیل ساڵح و عەبدوڵا پەشێو و ئەحمەد محەمەد و یەحیا بەرزنجی و کارزان جەلال و هێمن حەمە ساڵح)هەروەها (بورهانی موفتی زادە و توانا فەرەج و نامۆ و ئەفشین شوكری و سەڵاح ڕەئوف) ئاوازی بەرهەمەكانیان داناوە، زۆرێك لە بەرهەمەكان لە ستۆدیۆ ڤینۆ و میترۆنۆم كاری دەنگییان بۆكراوە.